السلام عليكم يابنات ايجى لايونز ياريت كل بنوتة تدخل تقولى رايها فى كلامى دة كل واحدة تتخيل نفسها ولد ليوم واحد بس ياترى هتعمل اية فى اليوم دة كل بنوتة تدخل تشارك وتجاوب من غير كسوف متقوليش اى كلام وخلاص لا انا عايزة رد جرئ وجامد ومتقلقوش نفس الموضوع بس بالعكس هيكون فى قسم الاولاد ثانكس مقدما على ردودكم
التوقيع
Never Be Afraid To Dream....Live....Love And Laugh..........Be Afraid Not To....!!!0
شوفي ياستي
بما ان الصيف قرب
فياريت اليوم ده يبقي فالصيف
واخرج مع اصحابي
واقضي اليوم ده معاهم فالمصيف
وطبعا اتاخر براحتي بقي
مش هيبقي في مشاكل
لاني والحمد لله مش بعرف اتجمع مع صحباتي فالمصيف ابدا مهما عملت
لان كل واحده فينا مرتبطه باسرتها
بس الحمد لله في نطاق كوني بنوته
انا بحاول اعيش حياتي علي قد ماقدر
ومش بعقد نفسي خالص
هي الحاجه الوحيده الي مش بعرف اعملها حكايه المصيف دي
واكيد وقت الجد مش هبقي عاوزه اكون ولد
هو في احلي من البنات يابنتي
البنات دول سكر نبات
ثانكس ميرو
ههههههههههههههه جميل جدااااااااا والله اقتراح ممتاز بس هوا استفسار صغير يعني انا مش فاهمة يعني انا هاصحي الاقي كل الناس مقلوبة ولا انا لوحدي وعموما هاتعامل كان ان لوحدي اللي اتقلبت بصي يا ميرو شكلي كدة مش هالحق استغل اليوم وهايطلبوني ف الجيش بس يالا اهو هاروح اجيب هدوم ولاد لانها بتعجبني جدا وبعدين هاحاول اعرف طريقة كلام الاولاد مع بعض وبيفكروا ف اية بالضبط؟؟؟؟؟ هاستغل الموضوع علي قد ما اقدر واعرف معلومااااااااااااات وهاسهر للفجر برة مع اصحابي الولاد بقا
وبعدين اروح البيت وانام واصحي احمد ربنا اني بنت واحمد ربنا اني مليش جيش
الله ده اقتراح جامد جدااا عشان انا بحقد عليهم جدددااا
بصو بقي انا اول حاجه هعملها اني اظبط نفسي كده ما انا لازم الواد ده اكون واد ضايع وبايز هروح اشتري بنطلون ساقط و تي شيرت جامد كده اصلي ببصراحه بيعجبني تي شيرتات بتاعت الولاد موووت وهروح اوقف شعري او احلق زي زيزو كده اهي اي حاجه تعجب البنات ولازم بقي اخرج من البيت اللي عشان اخرج منه اخد محاضره قبليها هخرج براحتي بقي وهشرب سجاير و مش هسيب بنت في حالها وهسهر وطبعا لازم اقعد مع ولاد بايزه عشان اعرف بيكلمو عن البنات ازاي؟؟؟؟؟؟؟؟؟
وهقضيها عالاخر بقي ده هوا يوم وطبعا مش هرجع الا الصبح ومش هنسي اكل لبان قبل ما ادخل البيت عشان السجاير اللي شربتها لحسن اتقفش
بس انا كده هشفي غليلي منهم هههههههه
ومرسي موووت عالتوبيك الجامد ده
بجد فكرة جامدة جدا بقولها لنفسى ساعات انى نفسى اكون ولد واول حاجة هعملها هشترى لبس ولادى علشان بيعجبنى واخرج مع صحابى للصبح واشرب شيشة تفاح بحب رحتها واروح اسكندرية فى اى وقت مش شرط المصيف اروح الاستاد وبعد اى بطولة اخرج فى اى وقت اشوف الناس قلبة الدنيا ازاىواعرف برضوا دماغهم ماشية ازاى ولية شايفين ان اكتر البنات هما اللى غلط بس
بنات ايجى لايونز مطلوبين هنا للاهمية........يلا بسرعة
اهلا يااحلى بنوتات
قمر الزمان
العرض العادي
