طول ما انت مسطول .. انت برئ

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هششششششش ..


ادخل وما تعملش صوت .

انت عايز الدخان يموت ...

دخان ايه يا صغنتوت ؟

دخان النسيان يا فتفوت ..

ادخل و خد نفس عميق ..

انسى همك يا برئ ..

خايف يتفتح لنا تحقيق ..

طول ما انت مسطول .. انت برئ .

هتعمل ايه يا غلبان ..

بلدنا مش عايزانا جدعان ..

طول ما انت جعان ..

هتفضل خارج التفكير و الحسبان ..

هو الدخان ده دخان ايه ..

و انت بتسأل ليه .. ؟

انت مش عارف ان السؤال حرم .

و اللى بيسال يبقى جرم...

بلدك عايزاك تنام و انت مطمن ..

بكره زى الزفت طين مطين ..

و الكيف على الغلابه سلطان مسلطن ..

انا مش فاهمك يا وطن .

و لا و انا فايق ولا مسطول ..

لفيتك بالعرض و بالطول ..

قالوا ليا الريس مشغول ..

هو انا كنت اطول ..

اكون ابن حمار بس مسطول..

و مين فينا المسئول ..

انا و له انت يا مخبول ..

ولا انا و لا انت ..

كل الحكاية نفس بناخده ننسى حالنا على طول ..

اه يا وجع بطنى ..

بيوجع اكتر من وجع راسى ,

و انت يا ريس ازيك ..

قاعد فى التكييف و عامل ناسى ,

هو الريس بيتكيف ..؟

بصراحة مش دارى ..

بس هو اكيد بيتسلطن ..

و ابنه معاه و العيله المالكه .

حاكمة فينا بالعافية ..

هو احنا فقرا يا سفروت ..

انت اللى بتسال يا اللى من الجوع هتموت ..؟

دنيا غلبانه و احنا المحرومين ..

عايزين نتسطل عشان نعرف احنا مين ..


اهم شىء انك لو فهمت حاجة مع احترامى لكل الناس ياريت تفيدنا برأيك
منقول

قمهت الا فهمت دي

بس والله يا احمد مش شرط الواحد يبقي مسطول علشان يفهم هو مين ويمشي جمب الحيط علشان يعرف يعدي


نايس توبيك

وعليه فكره مثبت

موضوع جميل جدا يا احمد و الله

و اكيد طبعا اى حد هيفهمه

بس احنا مش مسطايل

احنا عاملين مساطيل علشان ميتقلش علينا جبنا

كدا يعنى

احترامى و تقديرى ليك و لمواضيعك

اولا منورين يا شباب التوبيك بجد

ثانيا انا مبقصدش اننا مساطيل بمعنى الكلمه اننا نبقى شاربين وكده
بس بجد احنا عجبتنا الحياه كده ومش عاوزين نتغير طب ليه انا مش بكلم عن كل الشباب طبعا دى فئه منهم واتمنى انها تكون قليله.
بس بجد اما شوفت الموضوع ده حسيت فعلا ان ده فعلا هوة حالنا نايمين علطول مش عاوزين نفوق من الغيبوبه اللى احنا عايشينها .

احنا مش مساطيل بس يا احمد لا دا احنا نايمين و على طول اصل السطول بيجي عليه وقت ويفوق ولكن احنا مش بنفوق خالص و عامة دى مش فئة قليلة لا دى الفئة العظمى والمشكلة ان احنا نايمين غصب عننا و لان في ناس قليلة عايزينا كدة و احنا مستسلمين عامة

منورنى تيتو حبيب قلبى انته شكلك نايم وانته بتكلمنى اصلا فوق يا ابنى
منورنى يا غالى

كلام جميل وجاي فوقته مظبوط
انا مبقتش عارفه احنا عايشين فين
يمكن شويه اهالينا مخلينا بعيد عن الدنيا والي بيحصل فيها
ده نفسه نوع من النوم
انا كل فين وفين علي مابطيق حد يكلمني عن اخبار البلد او السياسه
حتي لو كانت اختي
هو انا هقدر اعمل ايه
البلد دي باظت خلاص

ليه بتقولى كده انها باظت ماهيا لو كانت باظت فيبقى احنا السبب فى كده
ليه مانحولش نغير النظام بتعاها
بس قبل كده ياريت نغير نظامنا احنا الاول
ثانكس يا كنزى على مرورك

انا لسا قايلهالك يا احمد قبل ما تديني الينك

سوري انا مسطوله ... معترفه من قبل ما ادخل هنا

بس عاوزنا نفوق ليه اصل لو الناس فاقت هتتجنن ولو بصيت لبعيد هتتعقد

ولو ولو فكرت في المستقبل شعرك هيبيض من همك

دا واحنا الحمد لله يعني في مستويات معقوله

مابالك اللي اقل بكتير دا لو فاق هتبقى ازمه حقيقيه بالنسبه له وبالنسبه للبلد

باحترم حماس الشباب وباتعقد لما الاقيه رايح هدر

تحياتي ليك عالتوبك الجامد

ايه يا سارة بس انته مغمقاها ليه بس

طول ما احنا بنقول كده عمرنا ما هنعمل حاجه كويسه تفيدنا وتفيد البلد دى

انا شايف ان احنا اللى عملنا فى نفسنا كده واحنا برده الوحيدين اللى فى ادينا الحل مش غيرنا

ما هوة مش معقول هنستنى حد يجى ويحل لنا مشاكلنا