10 خطوات لأسقبال نتيجة الامتحانات

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

السلام عليكم ورحمة الله وبركاته

النتيجة قربت وكل واحد فيكم حاتط ايدة على قلبة وفى ناس

منكم مقضية اليوم كله لا مؤخذة فى الحمام علشان كدة ومن

واقع خبرتى قررت انى اديكم شوية نصائح عن كيفية استقبال

نتيجة الامتحان والله الموفق .


اولا : ياريس منك ليها لازم تحبكها فى البيت قبل النتيجة بمعنى

اية انك لازم تفرهض فى السرير بتاع اربع خمس ايام كدة

ويجيلك كل الامراض اللى ما تخترش على بال بنى ادم من اول

المغص لحد البواسير علشان اللى فى البيت قلبهم يحن يامعلم

وياجلو المواجهة لو النتيجة جت لاقدر الله زى ما انت متوقع

وشلتلك بتاع اربع مواد كدة .


ثانيا : تبتدى تمرن نفسك على كيفية البكاء المستمر وتتعلم ازاى

تتشحتف علشان تصعب على كل اللى يقبلك .


ثالثا : تدرب على بعض الفنون القتالية زى المصارعة او الكارتية

مثلا ودة ضارورى لية بقى يانجم هقولك انا علشان هيبقى فى

زغابة واقفة على النتيجة فلازم انت تكون مستعد لكدة علشان

توصل فى اسرع وقت ممكن علشان انت عارف بيبقى فى هواة

تقطيع الورق دول عرفهم طبعا الواحدة من دول تعرف انها شايلة

السنة تروح مقطعة الورقة وحلينى انت بقى يا معلم عقبال

ماتعرف النتيجة بتاعتك .


رابعا : لازم يا نجم تروح تجيب نتيجتك بنفسك علشان ماتبقاش

واقف هيغمى عليك وانت مستنى صحبك يجبهالك وتلاقية بعد

دة كله خارج يقولك انت شيلت 3 مواد لية دة ظلم (اليعنى الواد
حل اوى) .


خامسا : انك تتحلى بكل انواع البرود علشان انت هتقابل اليوم

دة اللى عمرك ما شوفته يعنى انت خارج كدة وشايل اربع مواد

وتلاقى ام احمد الفراشة بتقولك الحلاوة يابية فا انت لو مكنتش

هادى هتعمل حاجة من الاتنين ياتموتها لا تموت نفسك فلازم

تبقى هادى وتستحمل علشان اللى جاى اصعب .



سادسا : لازم تؤمن وتصدق ان النتيجة دى بتاعتك ومفيش

غلطات مطبيعة (احنا هنمثل ما انت عارف انك شايل شايل)


سابعا : تاخد بعضك يا معلم وعلى اقرب مطعم وتاكل اكبر كمية

من الاكل علشان انت الفترة اللى جاية هتكن فى اوضتك

ومافيش اكل (ولا انت معندكش دم وهتقعد تاكل مع باباك
وممتك على اساس انك احمد زويل) ؟


ثامنا : نيجى لاصعب لحظة الا وهيا نقل الخبر للأعداء (باباك

ومامتك) وهنا هنرجع للبند رقم اتنين بتاع الافلام الماسوية

والبكاء المستمر .


تاسعا : اول ما تشوف باباك اول كلمه تقولها حرااااااااااااااااااام

دة ظلللللللللللم ويغمى عليك يا معلم وماشوفش وشك فايق

غير بعد 14 يوم اتفقنا .


عاشرا : رقم بوليس النجدة 122 اوعى تنسى ( دة فى حالة لو

الناس عندك فى البيت ما بيخلش عليهم الحاجات دى )


وبالتوفيق ان شاء الله وتمنياتى لكم بالنجاح والتوفيق .

ههههههههههههههه

ربنا يستر و منضرش نلجأ للنصايح بتاعتك دى خالص فى الفتره اللى جايه

نايسش توبيك

ربنا يستر
لازم الواحد يبقي عنده لامبالاة
كل اللي يجيبه ربنا كويس تلات مواد اربع مواد
كل اللي يجيبه ربناااااااااااااا كويس
ميرسي لمرورك شينيو

هههههههههههه
جميلة نصايحك ياجومانجى بس خليكى متفائلة شوية
رابعا : لازم يا نجم تروح تجيب نتيجتك بنفسك علشان ماتبقاش

واقف هيغمى عليك وانت مستنى صحبك يجبهالك وتلاقية بعد

دة كله خارج يقولك انت شيلت 3 مواد لية دة ظلم (اليعنى الواد
حل اوى) .

انا عن نفسى جبت نتيجتى والحمد لله ونجحت
ومش انا اللى جبتها لنفسى واللى جبهالى كان وشة حلو جدا عقبالكم
نايس توبيك

انك تتحلى بكل انواع البرود علشان انت هتقابل اليوم

دة اللى عمرك ما شوفته يعنى انت خارج كدة وشايل اربع مواد

وتلاقى ام احمد الفراشة بتقولك الحلاوة يابية فا انت لو مكنتش

هادى هتعمل حاجة من الاتنين ياتموتها لا تموت نفسك فلازم

تبقى هادى وتستحمل علشان اللى جاى اصعب .

هههههههههههههه

دانا هموتها اموتها

بس الحمد لله مستعملتش كل الطرق دي لما حصل اللي حصل

انا اكلت معاهم عادي ولا اجدعها احمد زويل

بس كل اللي حصل ان سيبت البيت اسبوع ومشيت وعرفتهم وانا مش في البيت خالص

ثانكس جيومانجي

هههههههههه
جامده النصايح د ياجومانجي
بس انا اليومين دول مقضياها سرحان واغاني حزينه
كل محد يقولي مالك اقوله اصل النتيجه قربت
بس انا مرسياهم علي النتيجه كلها والي هيحصل فيها
عشان لما تيجي يبقو متوقعينها يعني
ومحدش يتصدم وكدا
واهم سلاح طبعا هي الدموع
ودي بتنزل لوحدها ومن غير تعب
بس ربنا يستر وميبقاش في دموع
تصدقي لسه عندي امل برضه

÷هههههههههههههههههههههههه

جميل اوي الموضوع دا

بس هما اتعودوا مني في البيت ان اي سنه لازم تيجي علي سنتين

ومبدأ التجزئه دا ماشي بيه علي طول

شكرا يا قمر

انا عن نفسى جبت نتيجتى والحمد لله ونجحت
الحمد لله انجل ميروووووووو
مبروووووووووووووك


انا اكلت معاهم عادي ولا اجدعها احمد زويل

بس كل اللي حصل ان سيبت البيت اسبوع ومشيت وعرفتهم وانا مش في البيت خالص
برافو برافو

واهم سلاح طبعا هي الدموع
ودي بتنزل لوحدها ومن غير تعب
بس ربنا يستر وميبقاش في دموع
تصدقي لسه عندي امل برضه
طب الحمد لله ان شاء الله الامل ف ربنا كبير ولا يضيع اجر من احسن عملا

بس هما اتعودوا مني في البيت ان اي سنه لازم تيجي علي سنتين
تمام يا معلم دول الناس البروفيشنال عادي جدا ماهو برضوا علشان تستوعب المنهج
انا بقول علي اي حد من دول معيد امال اية ف الاعادة افادة

نورتوني كلكم شباب
ويارب دايما بالنجاح والتوفيق
ان شاء الله

ربنا يستر انا عندى امتحانات الاسبوع الجاى
وشكلى كده حذاكر العشر خطوات دول لانهم اسهل من المواد اللى عليا

ربنا معاكي يا قمر ومعانا كلنا
وان شاء الله ربنا يوفقك ف الامتحانات

مشكورة لمرورك