كلمـــــــ أغانـــــــــي الحــــــــــــب ـــــــــات**أغنيه تنسي واحده ( عمرو دياب )

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

السلام عليكم

كل يوم الواحد بيسمع اغاني كتييير جدا

سواء بمزاجه او لا سواء في البيت الشارع او عربيه حد معدي ومصمم يسمعك اللي بيسمع منه

بس هل فعلا الاغاني دي واقعيه

هل فعلا الاغاني دي وكلماته بتحصل معاك او مع غير

هل ممكن في يوم تقول الاغنيه دي مناسبه ليا اوي وتحب تسمعها

*************

طيب منشوف الحوار دا

هنجيب كل فتره اغنيه ونشوف فعلا كلامها دا معقول وبيحصل ولا زي موليد سعد بيقول كلمتين كدب في اغاني

*************

ودي فكره الموضوع ان هنجيب اغنيه ونناقشها ولما نزهق منها نقلب المحطه ونشوف اغنيه تانيه

*************


انا فضلت نبدأ بالاغنيه دي ( عادي - لمحمد نور )

كلمات الاغنيه

عادي لو في يوم حنيت هتلاقيني نسيت قلبي ده هيصفالك
عادي زعلي هفوى عليه حتى كلمة ليه عمرى ما هقولهالك
تعالى وقولي بس اشتقتلي يا حبيبي ده انت وحشتني تلاقيني قبلك قولتها
معاك لو حتى طال بعدك سنه ماانساش هواك ولا حبنا معقول في بالك كل ده
خايف ولا ايه مكسوف ولا هي ظروف
نفسي اعرف مالك
راحت قدايه ايام عيني ولا بتنام وانت ولا على بالك
تعالى وقولي بس اشتقتلي يا حبيبي ده انت وحشتني تلاقيني قبلك قولتها
معاك لو حتى طال بعدك سنه ماانساش هواك ولا حبنا معقول في بالك كل ده
غايب بس مهماتغيب قلبي ليك على حاله
عيني لو بعيد شايفاك روحي لسه معاك غبت عني وماله
تعالى وقولي بس اشتقتلي يا حبيبي ده انت وحشتني تلاقيني قبلك قولتها
معاك لو حتى طال بعدك سنه ماانساش هواك ولا حبنا معقول في بالك كل ده
في حضني تعالى قرب ضمني هو انت مش بتحبني واكيد وحشتك مش كده
زعلنا خلاص تعالى نعيش بقى هنموت علشان لحظة لقى ده حتى يبقى حرام كده


والسؤال بقا هل فعلا لو حبيبك رجعلك بعد فتره هتنسي في لحظه كـــــــــل اللي حصل وكــــــــل اللي عمله فيك وترجعله بكل بساطه ولا ........؟؟!!

الموضوع مفتوح للنقاش


*******************************

تم تجديد الموضوع ووضع اغنيه جديد في المشاركه التاسعه
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يسلام يا احمد على الاغانى الجامدة
انا بحبها على فكرة بس مش فى كل وقت ممكن تعبر عنك
يعنى على حسب اللى حبيبك عمله فيك لو كان زعل عادى ممكن اسامح عليه ورجعلى اكيد قلبى هيصفاله على طول واقوله
تعالى وقولى بس اشتقتلى ياحبيبى ده انت وحشتتتتتتتتتنى
قبل ما يكملها كمان هيلاقينى بقولهاله

بس لو كان جرح كبير مينفعش تنسى ولا اسامح فيه حاجات متتنسيش وخاصة لو كنت سامحت كتير قبل كده ولقيته بيجرحك تانى

بصراحة فعلا لو حصل خلاف بينى وبين اللى بحبه ويكون واحشنى
ساعتها هقول مش عوزة منه اى حاجة غير بس انى اشوفه واطمن عليه
من لهفتى عليه هقوله تعالى اشوفك وهسامحك ومش هنتكلم فى حاجة



بس بعد ما شوفنا بعض وانبسطنا وعزمنى ع السينابون
وقالى وحشتينى واقوله انت وحشتنى اكتر
خلاااااااااااااااااااااااااااااااااااااااااااااااا ااااااااااااااااااص
نبدا الحساب يا جميل فاكر لما ................. وخد عندك بقى يومين تلاتة كمان عقبال ما الحوار يتقفل
يعنى محمد نور مغلطش فى اى حاجة

يسلام يا احمد على الاغانى الجامدة
انا بحبها على فكرة بس مش فى كل وقت ممكن تعبر عنك
يعنى على حسب اللى حبيبك عمله فيك لو كان زعل عادى ممكن اسامح عليه ورجعلى اكيد قلبى هيصفاله على طول واقوله
تعالى وقولى بس اشتقتلى ياحبيبى ده انت وحشتتتتتتتتتنى
قبل ما يكملها كمان هيلاقينى بقولهاله

بس لو كان جرح كبير مينفعش تنسى ولا اسامح فيه حاجات متتنسيش وخاصة لو كنت سامحت كتير قبل كده ولقيته بيجرحك تانى

مممممممم

رأي جميل يا روكا

بس لو كان جرح كبير مينفعش تنسى ولا اسامح فيه حاجات متتنسيش وخاصة لو كنت سامحت كتير قبل كده ولقيته بيجرحك تانى

يعني مش في كل الحالات هيحصل تسامح

وانا اقصد هنا ان حصل بينكم مشكله وانفصلتم فتره طويله سنه مثلا لدرجه ان حصل شوق ولهفه ليه يعني مش يومين تلاته ممكن تتستنيه وتكملي ليه كلمه بحبك

************

بس بعد ما شوفنا بعض وانبسطنا وعزمنى ع السينابون
وقالى وحشتينى واقوله انت وحشتنى اكتر
خلاااااااااااااااااااااااااااااااااااااااااااااااا ااااااااااااااااااص
نبدا الحساب يا جميل فاكر لما ................. وخد عندك بقى يومين تلاتة كمان عقبال ما الحوار يتقفل
يعنى محمد نور مغلطش فى اى حاجة

يعجبني انك مش بتسيبي حقك خالص

لازم الاول يعزم في مكان عليه القيمه وبعد متخلصوا بقا يبدأ النكد

ثانكس لولي وثانكس روكااا

في الانتظااااااااااااار!!!!!!!!

عايز أقولك كلمة أولها بحبك
بس أنا خايف أقولها ليكون غيرى فى قلبك
لمحيلى بكلمه بإبتسامه من شفايفك
نفسى أعيش أنا والله طول حياتى جنبك
حبينى بحبك حبينى وأفتحى قلبك حبينى بحبك حبينى وأفتحى قلبك
لما بشوفك أنا حالى بيبقى حال
وطار النوم من عينى وسهر فيك طال
قلبى قالى بحبه صدقينى قال
رحت لعقلى أقوله لقيته ليكى مال
وحبينى بحبك حبينى وأفتحى قلبك حبينى بحبك حبينى وأفتحى قلبك

ياريت اللى يقرا الشعر اللى أنا مألفة يدينى رأيه فيه

موضوع هايل يا احمد وفكرته جميله اوي

بالنسبه للاغنيه فانا شايفه انه مش عادي

انا طالما سيبته وفرطت فيه يبقي اكيد علشان حاجه صعبه ان اتسامح فيها

وكمان زي منتا بتقول ان سايبن بعض من مده طويله يعني الجرح صعب جدا والغلط مفهوش تسامح

انا شايفه انه دا مش يبقي اسمه تسامح دا تنازل عن الكرامه قصاد اخطاء وجرح مينفعش فيه تسامح

ودا رأيي ........

موضوع جميل اوي يا احمد لكن والله مش عارفه لانى مجربتش لكن الاراء كلها عجباني


علي فكره يا هشام الشعر بتاعك جميل جدا جدا ممكن تعمله موضوع جديد لانه بجد يستاهل لو عندك اكتر امتعنا بيه

شكرا نور وهبه علي ردودكم وربنا ميكتب عليكي يا هبه الموقف دا ان شاء الله

ويا هشام لو انت متابع الموضوع الكلمات بتاعتك روعه فعلا وياريت لو عندك زياده ورينا في قسم الشعر الخاص

***************

اما عن رأيي الخاص بالنسبه للاغنيه دي فمحمد نور رد عليها بأغنيه تانيه في نفس الالبوم

وانا شايف ان ملهاش غير الرد دا وخصوصا لو كنت انت اتعلقت بحد جديد وارتبط بيه


واحشك قوي
واحشك قوي نفسك تشوفني قربت من شوقك تموت
واحشك اوي كان فين ده كله لما كنت فيك بموت
ولا هو الي في ايديك بيهون عليك ما تحسهوش غير لما يبعد عن عنيك
كل ده ودلوقتي راجع تاني ليه جاي متاخر قوي تفكرني بيك
ولا هو الي في ايديك بيهون عليك ما تحسهوش غير لما يبعد عن عنيك
كل ده ودلوقتي راجع تاني ليه جاي متاخر قوي تفكرني بيك
عاجبك كده صعبان عليه كل ده الي وصلت ليه
عاجبك كده بقيت لوحدك هو ده الي حلمت بيه
قلبك قوي خلاك نستني ما قولتلكش نستني ليه
خلاص بقى ما تقولش نرجع احنا لينا في بعض ايه
ولا هو الي في ايديك بيهون عليك ما تحسهوش غير لما يبعد عن عنيك
كل ده ودلوقتي راجع تاني ليه جاي متاخر قوي تفكرني بيك

ودا كان رد محمد نور وهو هواه رأيي

شكرا يا شباب وهننقل علي اغنيه تانيه في المشاركه الجايه

الاغنيه الجديده اللي معانا هي للاسطوره عمرو دياب من البوم ليلي نهاري

هي اغنيه

تنسى وحدة...


ليه يا قلبي كل يوم بتحب وحده
ولسه مش لاقي اللي عايزه بأي وحده

ليه يا قلبي كل يوم بتحب وحده
ولسه مش لاقي اللي عايزه بأي وحده

كل أول يوم تقول انك لقيتها
وفي نهاية اليوم بحس انك نسيتها
كل ده علشان بتهرب من الحقيقه
كل ده علشان يا قلبي تنسى وحده

أي وحده بتقابلها بتبقى حاسه
انت مش جايلها دانت جاي تنسى

أي وحده بتقابلها بتبقى حاسه
انت مش جايلها دانت جاي تنسى

انت عارف حتى تعشق حد غيرها
دانت وانت ويا غيرها تفتكرها
كل ده علشان بتهرب من الحقيقه
كل ده علشان يا قلبي تنسى وحده

قلت هنسى قلت عمري في يوم ما هرجع
هتعمل ايه دل وقتي يوم ما تحب ترجع

قلت هنسى قلت عمري في يوم ما هرجع
هتعمل ايه دل وقتي يوم ما تحب ترجع

ليه وهمت الناس يا قلبي انك ناسيها
والحقيقه ان انت عايش لسه ليها
كل ده علشان بتهرب من الحقيقه
كل ده علشان يا قلبي تنسى وحده

************

شايفين ان الانسان علشان ينسي حب قديم ممكن ينساه بحب جديد

ولا كدا يكون بيضحك علي نفسه

ولو بيضحك علي نفسه فعلا بمزاجه ولا غصب عنه اتعلق بحد جديد

وممكن تكون الحب التاني حب صادق ويعيش اكتر من الحب الاول لانه اكيد عرف اخطاء الحب الاول وهيحاول يبعد عنها

ولا رأيكم ايه

المهم السوؤال المعتاد

في كداااا؟؟؟؟!!!!

السلام عليكم ورحمه الله وبركاته

بجد سوري علي التاخير والمشاركه في اول الموضوع
وبالنسبه للجابه المتعلقه بالاغنيه الاولي فانتا قولت الرد طبعا وفعلا انا كنت هقول نفس الاجابه
اما بالنسبه للاغنيه التانيه (تنسي واحده)

فطبعا عمر الحب القديم ماهيتنسي بحب جديد لنه بكده هوا بيوهم نفسو وبيضحك علي نفسو
لازم ذهنك وقلبك يكون خالي تماما من الحب القديم عشان ماتظلمش الحب الجديد لانكطبعا كل كلام هيحصل بنكم هتفتكر الحب القديم وهتفتكر اي كلام كان بيتقال بنكم
وعشان كده ماينفعش تحب حب جديد غير لما تترك لنفسك هدنه لكي تنقي ذهنك تمام من الحب القديم لان صورتتها وكلامها كلو هيبقي في تفكيرك اكنها لسه قصادك مثلما قالت اغنيته التي بنفس الالبوم وهي
قصاد عيني
وبالنسبه ان ممكن الحب الثاني يكون صادق ليه لا ممكن تكون التجربه الثانيه ناجحه ومن الممكن ايضا ان تكون فاشله ولكن ستكون عندك مذيد من الخبره من التجربه السابقه والتي ستساعدك علي ان تحدد العلاقه ومصير هذا الحب بنائا علي طباع الشخصيه التي امامك وايضا المواقف التي دائما ماتحدث بينكم كلها اشياء تحدد مصير العلاقه
وبالنهايه اشكرك اخي الغالي
zamyth
علي الموضوع الرائع وفكرته الفريده من نوعها والتي لما اراها من قبل ويارب اكون وفقت في اجابه السؤال
وتقبل مني جزيل الشكر والاحترام