كلمـــــــ أغانـــــــــي الحــــــــــــب ـــــــــات**أغنيه تنسي واحده ( عمرو دياب )

موضوع هااااااايل جدا يا احمد وفكرته جميله اوي

بالنسبه بقا لاغنيه تنسي واحده
فانا شايفه ان اي انسان بعد ميخرج من قصه حب فاشله بيكون مش مستقر
وغصب عنه بيتشد لاي حد معجب بيه
وزي مقالت رودي لازم الاول يصفي زهنه وقلبه من الحب الاول وبعد كدا يفكر في حب جديد
بس اكيد الحب الثاني هيكون انجح من الحب الاول بكتير لانه اتعلم خلاص من غلطاته

والف ميرسي تاني يا احمد

السلام
وعليكم
انا عاوز اقول انى اللى يحب لازم يسامح

موضوع جامد موووووووووز يا احمد بجد رائع اما عن رايي فدة ممكن يحصل مع بعض الناس بس مش كلهم هيحصلهم دة و انا عن نفسي صعب اوى انى انسي حب بحب انا اصلا صعب انسي اى حب يعني بفضل فاكر بس ممكن بعد مدة انه بالنسبة ليه يبقي انسان عادى و احب غيره بس مستحيل عن نفسي انى انسي حب بحب و بجد في ناس تانية انا اعرفهم لما بيقعو في مشكلة ميقدروش يكملو مع اللى بيحبوه ممكن يعملو زى عمرو كدة

انا رأى من رأى تيتو بردوا
الحب القديم عمره ما بيتنسى مهما حصل حتى لو كنا انجرحنا منه بيفضل بردوا ذكرى لاجمل واول مشاعر حسيتها فى حياتك
كل ما نيجى نقول كلمة اتعودنا نقولها معاه هنفتكره وهنشتاق ليه وده بيبقى غصب عننا مش بمزاجنا وبعد فترة هنقابل حب جديد هتلاقى معاه مشاعر جديدة او مختلفة عن اللى عيشتها قبل كده هتاخدنا واحدة واحدة لحد ما تحس انك اول مرة تحب فى حياتك وان اللى عدى كان مجرد مشاعر اول مرة تحسها ولو ده محصلش يبقى حبك الاول ده مكنش حب حقيقى
ده للناس الطبيعة طبعا لكن فيه ناس والاغلبية بتكون للولاد الموضوع بالنسبة ليهم عادى جدا ومش بتفرق معاهم وبيعيشوا مع اى حب تانى يقابلهم ولا حتى بيفتكر مين اللى كان فى حياته قبل كده بس هيبقى بيظلم نفسه قبل ما يظلم الحب الجديد اللى معاه
احسن حاجة بجد اننا نخلى حبنا ذكرى حلوة ونفتكر اى لحظة عدت علينا فيه وضحكنا فيها من قلبنا مجرد انك تفتكر اللحظات الحلوة اللى عدت عليك هتلاقى هم الدنيا اتشال من على قلبك بجد ..ونفتكر الشخص اللى كان معانا فى يوم من الايام ده بالخير مهما كان عمل فينا علشان قلوبنا متموتش وتنسى يعنى ايه حب اصلا

يلا يا احمد مستنين ردك والاغنية الجديدة

اولا شكررررررررررررا جدا لارائكم يا شباب
وعاجبني اوي الكلمتين دول يا روكا

واحدة واحدة لحد ما تحس انك اول مرة تحب فى حياتك وان اللى عدى كان مجرد مشاعر اول مرة تحسها ولو ده محصلش يبقى حبك الاول ده مكنش حب حقيقى

ونستني كمان شويه اراء جميله كدا وننزل بالجديد ان شاء

واهو بالمره تستغلوا الوقت دا وتدعولي علشان عندي امتحناااااااااااات

بصراحة مش بحب الاغنية دى لان كل مرحلة من العمر لها احساسها يعنى والواحد صغير وحب حد بيفتكر ان ده حب الدنيا
لكن الحب الحقيقى هو اللى يجى فى مرحلة من الاستقرار العقلى والنفسى
ولو الحب حقيقى اكيد هدافع عنه ومش هفكر فى انى انساه بحد تانى
لكن لو كان البعد منه هو بدون سبب ساعتها اكيد مش هبقى عليه او افكر انى ادور عليه فى حد تانى لانه هيبقى ظالمنى يبقى اكيد مش هدور عليه يظلمنى تانى هههههههههه
واهو هقول ان عمرو دياب قالها زمان فى اغنية بحبها جدا
ووحدة صحبتى معانا هنا هى اللى فكرتنى بها حطاها برسونال عندها
شخصية قوية وبحترمها جدا
انا غيرت خلاص عنوانى وقدرت ارجع واعشق تانى
من غير قلب من غير حب
صعب الدنيا فى يوم تتحب