مذكرات امرأة ميتة

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

كانت حياتى جميلة جداً وكنت استمتع بها بكل الطرق كنت جدة لأحفاد كثيرين
ولكن هذا لم يعوقنى أن أعيش بروح شابة فى الثلاثين من عمرها كنت أحب الحياة
أحب الخروج والنزهات أحب زيارة الناس وخصوصا فى الافراح

كم كنت أكره الحزن وخصوصا عندما تأتى اٍلى اٍحدى بناتى تشتكى من زوجها
كنت أحمل همها اٍلى أن تعود لزوجها ويتصالحا وترجع حياتى اٍلى وضعها الطبيعى مليئة بالفرح والضحك .
كنت أحب الخير للناس وأحب مساعدة الفقراء ما أستطعت

أما الموت.....

لا أعلم هل كنت أكرهه أم أخاف منه ولكن الذى أعلمه أنى لا أحب سماع هذه الكلمة
عندما كنت أسمع أن فلان مات كنت أعتقد أن الموت بعيد بعيد عنى خصوصا وأنا لم أعانى من أى مرض
اٍلا الأمراض العادية مثل البرد و...و.....

اٍلا هذا الألم الذى أحسست به اخيراً فى قلبى ولكن الطبيب طمأننى بأنى لا أعانى من أى مرض فى القلب
قد يكون هذا الألم من أعراض البرد أو حموضة!!!.

وماتت أختى التى تكبرنى بسنوات عدة كنت أعلم أن أجلها قد اقترب خصوصا وهى تعانى من
الكثير من أمراض الشيخوخة
ولكن الذى لم أعلمه أنى سأموت بعدها بأيام

وجاء اليوم الموعود

كنت عائدة من عزاء أختى مع أبنتى وزوجها وكان الألم قد اٍزداد جداً على فى
هذا اليوم فقررت أبنتى أن تذهب بى اٍلى الطبيب

وقد اتوا بطبيب كى يعالجنى فلم ارى الطبيب اليوم ينفعنى

أعطانى الطبيب حقنة مسكنة وعدت اٍلى بيتى واٍنتظرت أبنتى اٍلى أن أطمأننت على أنى نمت ورجعت اٍلى
بيتها معتقدة أنى أعانى من الحموضة وسأصبح بحالة جيدة فى الصباح

نمت حتى اٍستيقظت على أذان الفجر صليت وأنتظرت فى السرير حفيدى حتى يعودوا
من صلاة الفجر اٍلى أن جاءوا وأطمأننت عليهم وعدت اٍلى النوم

حتى جائنى ملك الموت جاء ليقبض روحى
جاء بدون ميعاد ولا سابق اٍنذار

وبدأت سكرات الموت وبدأ صوت خروج الروح
كان صوتا عاليا جداً أيقظ كل من فى المنزل
واٍستيقظ زوجى وبدأ يهزنى بشدة وينادينى
هدى هدى ردى عليا

أه يا رفيق دربى ستكمل الطريق بمفردك
لن أستطيع أن أرد عليك بعد الأن
لطالما كنت لك الزوجة المحبة الوفية التى تسرع بأجابة طلباتك
لن أستطيع أن أرد عليك بعد الأن

جاءوا بسيارة الأسعاف ولكن أجلى قد أنتهى ولن ينفع طبيب ولا مسعف

أتصلوا بباقى الأهل ليخبروهم بوفاتى كان الخبر يمر على كل من يسمعه كالصاعقة

(ماما الحاجة ماتت!!!!!)

من؟؟ كيف؟؟ أكيد الخبر مش صحيح ..أكيد حد تانى

وما هى اٍلى ساعات حتى تجمع الأهل منهم من جاء على أننى فقط مريضة
ولا يصدق أننى قد مت

وجاءوا بالمغسلة لتغسلنى ودخلت أبنتى الصغرى لتساعدها وهى مذهولة

اه يا حبيبتى كم كنت أحبك فقدتى الأن حصنك وأمانك
فقدتى أمك اٍلى الأبد لن تجدى الحضن الدافىء بعد اليوم
لن تجدى من يخفف عنكى أحزانك
أه يا بناتى يا حبيباتى قد كنت أعيش من أجلكم
ماتت الأن أمكم لن تروها بعد اليوم


كان المنزل ممتلىء بالأهل الكل فى بكاء ونحيب لم يبكوا يوماً كبكائهم علىّ
لحظات ونقلونى حتى يصلوا علىّ ثم الى القبر
اقاربى .. أحبابى .. وضعونى فى التراب دفنونى

دعوا لى وهم ينتحبون كان الرجال يبكون كأنهم اطفال
الكل يبكى والكل حزين وتركونى
هناك بمفردى ... ورجعوا اٍلى المنزل

ثلاثة أيام من الحزن ثم رجعوا اٍلى ديارهم
رجعوا الى حياتهم الطبيعية ولكن كان الحزن يخيم دائما على حياتهم
اٍلى أن بدا يتناقص شيئاً فشيئاً

والأن وقد مضت سنوات على وفاتى
هم لايذكروننى الا فى الاحلام كلهم يحلمون بى
ويكتفون بأخبار بعضهم أنهم قد رأونى فى الأحلام

وقد نسوا أن يدعوا لى وكأنهم قد تأكدوا أنى فى الجنة

ولا يعلم الغيب اٍلا الله


ايه ياشباب مش ناوين نفوق ونفتكر اليوم ده..؟؟
مش ناوين نرجع لربنا نقوله اننا محتاجين له وان قلوبنا بقت مليانة خوف ورهبة من لقائه ؟؟
مش ناوين نعمل اى حاجة تنفعنا واحنا فى المكان اللى مفيش اى حاجة هتنفعنا فيه غير اعمالنا ودعاء الناس لينا ؟؟
مش ناوين نخلى كل مشاعر الحب اللى جوانا لشخص معين لربنا سبحانه وتعالى ورسوله الكريم
طب دلوقتى حياتنا وخدانا اغانى وحب وعلاقات مش عارفين اخرها من اولها وشات وحاجات كتير اكيد كلنا عارفنها كويس
هنفضل كده لحد امتى لحد ما تلاقى ملك الموت قدامك تفتكر هتعرف وقتها تفوق؟؟؟ هتقدر تقف قدام ربنا ولا هتبقى خجلان من نفسك؟؟؟
هتقدر تمسك كتاب اعمالك قدام المولى سبحانه وتعالى وتقرا كل سيئة عملتها ؟؟
تفتكر هتقدر تعمل كل ده ؟؟؟
مش هقولكوا انى حد ملتزم قوى اصل مفيش حد 100% بس الحمد لله انه وصلنى لمرحلة الخوف ديه
اصل الخوف ده بداية تغيير اوهيكون على الاقل بداية لصلاة كلها خشوع وخوف ورهبة من لقاء المولى سبحانه وتعالى
بس لما بفكر فى احوال الناس دلوقتى بتصعب عليه بقول لنفسى طب انا لقيت اللى يغيرنى وربنا اهدانى اللى يحسسنى بالخوف ده حتى لو كانت مصيبة او محنة المهم انها فوقتنى
بس غيرى هيعمل ايه هيفضلوا كده تايهيين مش شايفين قدامهم غير متاع الدنيا بس
ياترى كام واحد هيقرأ الكلام ده هياثر فيه وممكن يغيروا ؟؟
والله من قلبى بدعى لاى حد يقرأ انه يفهم ويقدر اليوم ده قبل ما يندم
انا اسفة طولت عليكوا
بس حسيت انى لازم اتكلم يمكن كلامى ده يكون سبب فى تغيير
حياة شخص واحد على الاقل
اسال الله الهداية لى ولكم

موضوع روعه يا ريهام فعلا الحياه واخدنا جدا

يمكن لان كل مالانسان بيكبر اهتمامته ومسؤلياته بتزيد اكتر واكتر وان مكنش متعود علي حجات من صغره يعملها خصوصا العباده مش بيعملها وهو كبير

لكن المفروض العكس يحصل لان الانسان بيكبر وادراكه للحياه وان ملهاش اي ثمن قصاد دخول الجنه

شكرا روكا في النهايه