طب ليه بقى من الاول كدا ؟؟؟ ونرجع نقول غلطانين

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بصراحه احترت جدا احط الموضوع دا في اي قسم بس هاعتبرو
قضيه محتاجين نناقشها ونتكلم فيها ابسط نتيجه كل واحد
هيقول اللي جواه هاعرض الموضوع من خلال عدة مشاهد

المشهد الأول

الاب: انا قلت مافيش خروج وسفر وبهدله فالمواصلات لازم الكلام يتسمع

البنت: ماليش دعوه انا طول عمري باتبهدل اشمعنى حالا مش عاوزني اتبهدل

الام: يا بنتي احنا خايفين عليكي

البنت: وانا يستحيل اعد في البيت هاشتغل يعني هاشتغل انا مش باتعب كل السنين دي عشان اعد في البيت

-----------------------------------

المشهد الثاني

الزوج: انا مش حاسس اني متجوز انا متبهدل انت مش مهتمه ببيتك ولا بي انا متجوزك عشان ارتاح مش عشان اتعب انا

الزوجه: انت مش متجوز شغاله انت متجوز بني ادمه متعلمه لي حقوق زيي زيك ولازم تراعي دا كويس

الزوج: انا ياستي غلطان حقك عليي انا هتجوز واحده جاهله تراعيني انا وبيتها وتهتم بي

الزوجه: اعمل اللي انت عاوزو انا مش بعد السنين دي والبهدله والتعب هعد فالبيت انا لازم يكون لي كياني المستقل

----------------------------------------------

المشهد التالت

الاب: هو لازم الشغل اللي بياخرك لبعد العصر دا ما تشوفي اي حاجه تانيه

البنت: هو بمزاجي يا بابا يعني اروح اشتغل مع البقال ولا انزل اشوفلي اي وظيفه حكوميه ادفن فيها

------------------------------------------

المشهد الرابع

الزوج: انت ليه مش عاوزه اطفال زياده انت ليه مصممه يكون عندنا واحد او اتنين بس انا عاوز احس اني اب

الزوجه: انا باشتغل وباتعب ومتحمله مسؤوليات تانيه ومحتاجه وقت ومجهود زياده وانت مش لازم تحس انك اب بجيش اطفال يعني

-------------------------------------

اعتقد يعني فهمتو انا عاوزه اقول ايه (( مش بعد كل التعب والمجهود والمزاكره والسهر والسفر والبهدله تقولولي اعد في البيت استنى النصيب والمحتوم والمقدر وتتوقف حياتي على كدا ))

مشكله يمكن مش حاسين بيها اد كدا لان معظم البنات تقريبا اتجهت لفكرة اتجوز واشتري دماغي واعد في البيت

لكن في جانب تاني بنت تعبت واتبهدلت عشان يكون ليها حياة من نوع اخر وكيان مستقل في مجتمعها وتفيد نفسها ومجتمعها بطريقه اكتر

ايه اللي بيحصل للجانب دا ؟؟

مجرد ما خلصتي دراستك يلا يا اموره عالمطبخ وعالبيت واتعلمي بقى كورس في شغل البيت وتربية الاطفال عشان كلها كام شهر ولا مش عارف ايه وتتجوزي ولو مش هتقدري تكوني طباخه ومربيه ومديرة منزل وشغاله وام وزوجه يبقى مالكيش لازمه

اللي خدتيه دا عشان بس الاسم فلانه بنت فلان اللي هيتجوزها علان مهندسه او دكتوره او مدرسه او ................. انسي بقى كل دا وماتعيشيش الدور ويلا عالاهم

طب دي حالتها ايه ؟؟

احباط اقل كلمه ممكن تتقال ... زهق ونظره سودا للمستقبل .. كره للمجتمع وللناس اللي حواليها ... ماهي فحرب من جميع الاتجاهات اقل واجب يا افندم اللي هيحصل منها ...

انا على فكره من الناس المؤيده جدا لفكرة ان البنت تلتزم ببيتها واولادها وزوجها وبس .........

بس في المقابل ناقمه عالمجتمع بجد .. كان ليه كل دا من الاول ليه تتعب وتدرس وتزاكر وتهلك فصحتها وهي محتاجاها عشان تكون المرأه الحديديه بعد كدا .. طب ليه تحلم وتفكر وتحاول تتخيل نفسها وهي ليها دور اكتر فمجتمعها وبعد كدا احطمها وقولها دي حياتك ودا اللي لازم تكوني فيه

احنا من الاول عارفين ان دي مهندسه هتشتغل هتنزل مواقع هتختلط بعمال هتتاخر فشغل ودي دكتوره هتسهر في المستشفيات وهتعالج المرضى على حد سواء رجاله وستات ودي دكتوره صيدليه هتقف في صيدليتها ولا هتشتغل فمعامل لشركات الادويه وتتاخر فشغلها ودي دكتوره جامعيه او بتحضر دراسات وواخده جزء من تفكيرها ووقتها ودي محاميه بتتعامل مع قضايا على اختلاف اشكالها وبتدخل محاكم واقسام وووو

انت باباها وكنت فرحان بيها لما دخلت الكليه .. وانت زوجها بتتباهى ان زوجتك كزا ... وانتي امها شجعتيها وكنتي عون ليها ومصدر قوه

طيب ليه بقى لما تكون بتؤدي الجانب دا من مهامها الف مين يحاربها ويقف فسكتها والحجج كالاتي

• انتي ملزومه ببيتك وزوجك واولادك مش ملزومه تصرفي علينا ولا على نفسك

• انتي بنت وبنخاف عليكي من التاخير والبهدله والاحتكاك بالناس

• انتي بنت ماينفعش تستقري فمكان لوحدك لما تتجوزي روحي مكان ما انتي عاوزه

• انتي بنت ومهما عليتي مش هتعلي على زوجك يعني ريحي نفسك

اااااااااااااااااااااااااااااااااااااااااااااااااا اااااااااااااااااااااااااااااااااااااااه

ارحموووووووووووووووووووووووووووووووووووو

طب ماكان من الاول وبقينا زينا زي السعوديه مثلا وخلينا الكليات المتاحه للبنات تمريض وتربيه اخرها تروح بيتها الساعه 2 وكلمتين هيتزاكرو وتلات ايام حضور فالاسبوع والحياه ورديه

وبعد كدا تتخرج اشتغلت ماشي ما اشتغلتش احسن وتتجوز وتجيب طابور عيال وتربي بقى ... اله الست بتؤدي مهامها المطلوبه

وليه بقى خالص بلاش منو كفايه اوي لحد الاعدادي 19 سنه حلوين او 18 وتتجوز وحلينا المشكله عيله عيله بس بقت ملزومه من راجل هو يحافظ عليها

يمكن اكون طولت عليكو مش هقول معلش ... يمكن كلامي مش هيفرق معاكو لان مش انتو سبب المشكله ... بس انا ليه عملت كدا ؟؟

لهدف واحد بس ... الغلط اساسو فين ؟؟ ونتعامل مع كل دا ازاي

ومسيركو يوم من الايام هتمثلو احد ابطال المأساه دي بعد الشر بردو مع انكو مرغمين على كدا شوفو هتفكرو وهتتعاملو ازاي وناقشوني

والله مش عاوزه حرقة دم اكتر وبلاش ثانكس ومرسي ومشكوره ونتكلم كلام ناس بتحاول تغير حياتها للاحسن

تحياتي للجميع

يسعدني اني اكون اول بطلة من ابطال المأساة

وارد على الموضوع

موضوع فعلا يستحق لوقفة يا سارة

المشكلة اننا مش هنقدر نغير عقليات اللي حوالينا

ونظرتهم للبنت ووظيفتها في الحياة

واحنا بنمثل احد ابطال المأساة من دلوقتي مش في يوم

من الايام

خروج لا وان خرجنا بمواعيد

ولسه مش عارفة لما اشتغل ايه الوضع ههههههههههههه

ربنا يستر

ولا يأس مع الحياة ولا حياة مع اليأس

ميرسي حبيبتي على الموضوع القيم

لازم احييكي علي الموضوع الاول يا ساره لانه فعلا موضوع مهم وانتي تعبتي فيه جدا
وندخل بقي في الموضوع علطول انا معاكي المجتمع كده فعلا واحنا طلعنا لقينا حياتنا كده وبابايا بيعامل اختي مش زي مبيعاملني وهكذا

بس انا شايف ان احنا اتغيرنا او ممكن نتغير
وانا عن نفسي من الناس اللي بتايد ان البنت تشتغل
وانا اول واحد هساعد مراتي وهشجعها انها تشتغل وتنزل الشغل
بس طبعا مع الاحتفاظ بوظيفتها الاساسيه وهي البيت والاولاد
وهي لو فعلا ناجحه بقي وعندها تحدي وعاوزه تثبت نفسها يبقي هتحافظ علي بيتها واولادها ولازم تنسق بينهم وبين شغلها

واعتقد كله هيتفق معايا ان وظيفه الست اولا هي بيتها اذا قدرت تاديها صح يبقي ليه لاء تشتغل براحتها
وثانكس مره تانيه يا ساره

اولاً احب اشكرك يا ساره علي الموضوع ولازم نناقشه كلنا
وبعدين الرجل مش بتحب ان مراته تشتغل علشان
مش بتبقا مركزه في البيت
بس لو هتعرف تفصل اكيد الزوج
مش هيمانع ولا حاجه وكمان بيشجع
وكمان حرام المرأه تتعلم وتجيب تقدير
وفي الاخر مصرها البيت
وفي بعض من الرجاله بتغير شويه